Ish-kryeministri Sali Berisha ka postuar një status në faqen e tij në Facebook, ku thotë se përmasat gjigande të protestës së djeshme kanë tërhequr vëmendjen e medieve më të mëdha në botë. Ai përmend disa prej medieve më prestigjoze ndërkombëtare, duke e cilësuar historike protestën e djeshme.
Por pas kërkimeve nëpër faqet zyrtare të këtyre medieve, u konstatua mungesa e lajmeve në lidhje me protestën e djeshme. Është e vërtetë që disa medie kanë shkruar për një protestë në Shqipëri, por ato kanë shkruar vetëm për paradën e komunitetit LGBTI.
Më poshtë ju sjellim statusin e ish-kryeministrit në profilin e tij Facebook
“Jehone e jashtezakonshme e uraganit madheshtor ne mediat me te medha te botes; New York Times, Fox News, ABC, AP, Washington Post etj etj, ato shkruajne per protesten gjigande te opozites shqiptare me 13 maj ne Tirane.
Ketu me poshte keni nje video te transmetuar nga agjensite nderkombetare qe po ben xhiron e botes, per uraganin madheshtor qe zboi dje si burracak nga Tirana, Noriegen apo Edvin Kristaq Ramen! sb”
