Në burgjet greke kanë ndodhur shumë përleshjeve mes shtetasve të ndryshëm, ndërsa duhet thënë se ka pasur disa shqiptarë të plagosur apo vrarë si pasojë e sherreve.
Rasti më i fundit ndodhi mbrëmë në burgun e Koridhallos në Greqi, ku u plagos një shqiptar 30-vjeç, identiteti i të cilit ende nuk dihet.
Në një dokumentar të publikuar në mediat greke, kanë dalë pamjet e një tjetër sherri që daton më 14 janar të këtij viti.
Kamerat e sigurisë kanë filmuar momentin kur një i burgosur goditet me grushte dhe thikë nga disa të dënuar brenda. Sipas mediave fqinje, personi që vrapon i mbuluar me gjak është shqiptar.
https://www.youtube.com/watch?v=XiyH2YtbBxw
Ndërsa shihet qartë neglizhenca e gardianëve për të qetësuar gjendjen. Në pamje duket momenti kur i lënduari transportohet në spital i mbuluar me gjak.
Pikërisht në këtë datë në burgun e Koridhallos në Greqi ka humbur jetën gjatë një përleshje shqiptari Albert Bako, por grekët në videon e publikuar nuk saktësojnë nëse bëhet fjalë për të njëjtën ngjarje. Kjo pasi emri i personit në video nuk jepet, duke ngritur dyshime për identitetin e tij, nëse përkon me atë të Bakos.
Sipas dokumentarit, nga kaosi në burgjet greke në 10 muajt e fundit janë shënuar 26 viktima, ndërsa akuzohet qeveria se po përpiqet që të mbulojë atë që ndodh në burgje.
