“Calciomercato.it”
Nga çështja Lokateli te e ardhmja e Kristiano Ronaldos: këto janë ditë vendimtare tek Juventusi edhe në tregun e transferimeve. Pavarësisht nëse CR7 qëndron apo jo, megjithatë, klubi i Juventusit po mendon për pasuesin e tij. Në këtë aspekt, emri i Erling Haaland është përmendur ditët e fundit në ambjentin bardhezi. Ylli i ri norvegjez i Borussia Dortmundit është ëndrra e klubit të Juventusit për postin e Ronaldos, por konkurrenca premton të jetë më e ashpër se kurrë. Norvegjezi në fakt ndiqet gjithashtu nga Real Madridi dhe mbi të gjitha nga Çelsi, kampionët e Evropës, të cilët duken të gatshëm të çmenden për t’a çuar në Londër.
Por siç raportohet nga ‘Don Balon’, Juventusi gjithashtu bëri hap para për Haalandin duke paraqitur një ofertë. Gjithsesi Borussia e Dortmundit nuk ka ndërmend ta privojë veten nga sulmuesi këtë verë, ndërsa klauzola e lirimit prej ‘vetëm’ 75 milion eurosh duhet të aktivizohet nga 2022-a. Aty fillon gjuetia për xhevahirin norvegjez dhe Juventusi duket të jetë gjithashtu në garë.