Të tjera detaje dalin në dritë në lidhje me shtetasin grek Eftimiu Eftimius, i cili dyshohet si autori i vrasjes së Devi Kasmit ditë më parë në Kryeqytet. 42-vjeçari, ish-speciali grek në vitin 2008 ishte arrestuar për trafik klandestinesh drejt Greqisë. Ndërkohë në vitin 2009 në Frankfurt me 5.5 kg kokainë, e cila vinte nga Venezuela e largët Media greke shkruan se greku Eftimius u lirua nga policia në vitin 2012-shkruan Tirana Today.
Por aktivitetet e tij kriminale nuk janë mjaftuar me kaq, pasi ish-speciali u arrestua në 2016 në Artë për trafik droge dhe qëndroi në burg për 10 muaj. Në gjyqin që u bë në 2017 në Janinë, ranë akuzat se bëhej fjalë për një grup kriminal, ndërsa të pandehurit e tjerë u shpallën të pafajshëm përveç Eftimius, i cili u dënua si përdorues droge, kokainë, duke marrë kështu një dënim prej 4 vitesh me kusht, ndaj dhe u lirua-shkruan Tirana Today.
‘Zougla.gr’ shkruan mes të tjerash se kontakte me avokatet në Tiranë që përfaqësojnë 42-vjeçarin mban dhe avokati i mirënjohur grek Sakis Kehagioglou, i cili e ka mbrojtur në çështjet e mëparshme në Greqi.
Ndërkohë gjatë pak më parë është dhënë masa e sigurisë arrest me burg për grekun dhe tre pjesëtarët e bandës të cilët akuzohen se kanë gisht në vrasjen e Devi Kasmit. Ndërkohë , gjykata e Tiranës caktoi masën e arrestit me burg për Mario Meshinin, i dyshuar në rolin e bashkëpunëtorit.TIRANA TODAY
