Dorian Protoduari është një nga të rinjtë që u shoqërua mbrëmjen e kaluar në komisariatin e policisë në Tiranë, pas protestës për prishjen e shtëpive. Në një intervistë për “Fax News”, Protoduari u shpreh se është shoqëruar me argumentin se ka kërcënuar kryebashkiakun Veliaj.
Ai thotë me tej se nuk mund të pranonte faktin që Veliaj i cilësoi si shpellarë. Po kështu, i riu apeloi ndaj kryebashkiakut dhe kryeministrit Rama që ti ndalin këto valë arrestimesh. Sipas 30-vjeçarit, arrestimet ishin me prapavijë politike.
https://tiranatoday.com/40-police-me-moren-me-forcee-ema-e-30-vjecarit-humb-ndjenjat-shtrohet-me-ugjence-ne-spital/
“Paradite me kanë shoqëruar me argumentin sepse kam marrë pjesë në protestë. Dhe një nga akuzat ishte se pse kam kërcënuar kryetarin e Bashkisë.
Ai na quajti shpellarë. Siç na erdhe, do të vijmë në shtëpi! I bëj thirrje Edi Ramës, Veliajt, që ti ndalin këto arrestime të paligjshme.
Këto arrestime ishin politike. Tërhiqu se ne nuk ndalemi! Arrestimi që na bëni juve, na bën më të fortë. Arrestimi ishte me forcë, sikur të kishin kapur një kriminel, më shoqëruan me pranga.
I bëj thirrje qytetarëve që ta shmangin rrugën e “Tiranës së Re”. Do ta mbrojmë pronën tonë. Është kauza e gjithë Shqipërisë, nuk është kauza jonë”, tha ai.
