Ilda Topalli, ish-sekretarja e parë e Konsullatës së Përgjithshme në Stamboll, e cila u shkarkua nga ministri në detyrë për Punët e Jashtme, Gent Cakaj, iu drejtua një ditë më parë kryeministrit Rama, për ti kërkuar llogari. Teksa ankohej për heqjen me pa të drejtë nga pozicioni që mbante, ajo nënvizonte se eshtë një studente ekselente dhe me kualifikime të larta.
“Hidhu një sy kualifikimeve të një vajze 28- vjeçare, pa parti, pa miq, pa ryshfete, pa kurvëri e pa lidhje farefisnore në administratë. Por ty dhe drejtorëve të tu në Ministri nuk ju pëlqejnë njerëzit e drejtë dhe të aftë si unë, apo jo?!
Me vjen keq dhe inat i dashur Kryeministër, që nuk munda të gjej në kohë as mikun dhe as lekun që do ngopte egot e drejtorëve që të servirin mbi tavolinë emrin tim, për ta bërë kurban të kopesë së emërimeve despotike dhe partiake jashtë sistemit, pa denjuar të pyesje se kush isha, çfarë CV-je kisha, pse isha emëruar dhe si kisha punuar deri më sot.
Pse nuk më ftove për të më testuar nga koka te këmbët përpara se të më flakje në rrugë?! Më testo të lutem!”, thuhej në letrën e saj.
Ilda Topalli citon ndër të tjera se me këtë vendim, Rama i ka shkatërruar ëndrrën e një jete, por po të monitorosh notat e saj, duket se po flasim për një tjetër realitet. Notat nuk janë maksimale, sikundër prentendon ajo, ku e cilëson veten një studente ekselente.
Po kështu, në mbrojtjen e diplomës, Topalli ka marrë notën 7.
