Rasti i familjes Çera, publikuar nga Fundjavë Ndryshe, preku zemrat e shumë shqiptarëve. Por, tashmë kjo familje është bërë me shtëpi falë apelit të Fundjavë Ndryshe dhe Stop, si dhe falë kontributit të jashtëzakonshëm të birrës Peja, që siguroi të gjithë shumën e parave duke mundësuar blerjen e një apartamenti.
Familja Çera përbëhet nga 5 anëtarë, të cilët jetonin në zonën e Institutit në një barakë. Tashmë, jeta e tyre ka ndryshuar totalisht falë sensibilizimit teksa ata gëzojnë një apartament në zonën e Astirit në Tiranë, me kushte shumë të mira.
“Më realizuar ëndrrën, e kam pas ëndërr këtë shtëpi”, shprehet vogëlushja e familjes Çera, Ledina.
“Lotët e Resmies dhe Klevisës së paralizuar pushuan! Ëndrra e tyre më e madhe u bë realitet. Familja Çera tani gëzon një apartament të ri në Tiranë të mundësuar nga “Birra Peja”. Të lumtur fëmijët filluan shkollën e re, kryefamiljari Selmani tani një punë të rregullt dhe kasollja ku jetuan për vite tashmë është vetëm një kujtim i së shkuarës. Sëbashku ja dolëm. Ledina vogël tani ka një ëndërr tjetër, të bëhet bamirëse dhe të ndihmojë njerëzit në nevojë”, shkruan Fundjave Ndryshe në një postim në Facebook.
Po ashtu, pas apelit nga Fundjavë Ndryshe dhe emisionit Stop, ka nisur puna për ndërtimin e një tjetër shtëpie, për familjen Norja në Shijak, e cila pritet të përfundojë brenda pak ditësh.
