Detaje të reja janë mësuar nga vrasja e Anton Kelit në Rrëshen. Mësohet se sapo ka hapur derën e automjetit të tij, ai është qëlluar me breshëri automatiku nga disa persona ende të paidentifikuar. Megjithatë ka mundur të shpëtojë i gjallë për disa çaste.
Me plumba në trup ai është drejtuar për në marketin e lagjes, ku edhe ka kërkuar që ta ndihmojnë sepse e kishin plagosur. Të pranishmit kanë njoftuar menjëherë autoambulancën por rrugës për në spital, 51-vjeçari ka ndërruar jetë.
Mësohet se Keli ishte djali i hallës së Preng dhe Tonin Gjinit, dhe dyshohet se shkak për vrasjen e tij dyshohen se ka lidhje me hasmëritë e vjetra në qytetin e Rrëshenit.
Armando Gjini, u vra më 12 gusht 2019 në një atentat në qendër të Rrëshenit, në prani të gruas dhe djalit. Ai ishte pjesë e bandës së Met Kananit, i njohur nga mediat turke si “Eskobari shqiptar”.
Vëllait të Armando Gjinit, Preng Gjinit iu bë një atentat me eksploziv në muajin shtator, por arriti të shpëtonte. Mësohet se Anton Keli është nip i familjes Gjini.
