Belgjika është një nga vendet më të prekura nga koronavirusi në Evropë, teksa numëron më shumë se 33 mijë raste infektimi.
Ndërkohë në 24 orët e fundit në Belgjikë janë shënuar 283 vdekje dhe janë regjistruar 2,554 raste të reja. Kështu numri total i viktimave nga COVID-19 ka shkuar në 4,440.
Belgjika është vendi i 10 më i prekur në botë, pas SHBA-ve, Italisë, Spanjës, Francës, Gjermanisë, Mbretërisë së Bashkuar, Kinës, Iranit dhe Turqisë. Ndërsa renditet e shtata në botë për numrin më të madh të vdekjeve të shkaktuara nga ky virus.
Gjermania e cila regjistron më shumë se 4-fishin e numrit të infektimeve të regjistruar në Belgjikë, shënon thuajse 1 mijë viktima më pak.
Ndërkohë edhe Turqia regjistron thuajse dyfishin e numrit të të infektuarve, por shënon 3 mijë viktima më pak se Belgjika.
Më shumë se 2 milionë njerëz nga e gjithë bota janë prekur nga koronavirusi, ndërsa mbi 128 mijë persona kanë ndërruar jetë.
