Periudha e karantinës, padiskutim që ka kaluar edhe me situata të tensionura. Aktorja e humorit Marjana Kondi, ka treguar një episod ku ka patur një zënkë të vogël me bashkëshortin e saj.
Ajo ka qenë e ftuar në emisionin ‘Glamour Zone’, ku ka rrëfyer se nuk kanë munguar ato ‘zënkat e ëmbla bashkëshortore’. Një zënkë e vogël ka qenë ajo për albumet me foto.
Të gjitha çiftet janë zënë gjatë karantinës. Po ti me bashkëshortin, për çfarë jeni zënë?
“Sa mirë që e ditke që jemi zënë (qesh). Kemi patur zënka të vogla, për shembull njëra prej tyre ndodhi për një album. Po rregulloja albumet, dhe shihnim në foto njerëzit. Unë i thoja është ky, ndërsa burri thoshte tjetër. Si përfundim unë kisha të drejtë, dhe përfundova duke mos i folur për dy orë. Më ofendoi, më tha se nuk ke memorje. Aq e kam unë, dy orë (qesh)”.
