Mediat italiane kanë publikuar përgjimet që “fundosën” këngëtaren e njohur shqiptare, Elsa Lila. Në këto përgjime theksohet lidhja që artisja kishte me grupin e drogës, dhe sigurinë që kishte ndaj shtetit italian, pasi sipas saj, kishte lidhje të shkëlqyera. Elsa Lila ka bërë një paralelizëm, duke thënë se ashtu si në Shqipëri që duhen njohjet dhe miku për t’u lidhur me shtetin, skema funksionon e njëjtë edhe për Italinë.
41-vjeçarja shqiptare u arrestua në shtëpinë e saj në San Lorenzo. Në këto përgjime theksohet lidhja që artisja kishte me grupin e drogës, dhe sigurinë që kishte ndaj shtetit italian, pasi sipas saj kishte lidhje të shkëlqyera. “Duhet të miqësohesh me dikë nga aparati shtetëror, këtu është si në Shqipëri: shiten kaq shumë njerëz. Dhe bëni diçka për të eliminuar defektet”.
Elsa Lila ishte ajo që mbante “Kutinë e Babagjyshit”. Nga “këngëtarja më e famshme e shekullit në Shqipëri” në vitin 1999 në dy pjesëmarrje në Sanremo (2003 dhe 2007) deri te arrestimi. 41-vjeçe, me origjinë nga Tirana, vajza e muzikantëve të njohur, studente në Romë, yll i popit dhe tashmë në burg.
E pikërisht për policinë dhe mundësinë e ryshfetit, këngëtarja i ka të qarta idetë: “Askush nga shteti nuk vjen të më kontrollojë, më njohin. Kam marrëdhënie të shkëlqyera”. Në një rast “më dhanë një gjobë, por më thanë të mos e paguaja sepse nuk do ta kishin kontrolluar”. Sepse këtu “si në Shqipëri të duhet një mik/lidhje me shtetin, sepse sido që të jetë qeveria duhet të gjesh një rrugë pasi edhe këtu shiten kaq shumë”.
Burimi i lajmit: Corriere Della Sera. Përshtatur nga Tirana Today
