Luka Modric-Inter ishte pista më e nxehtë e kësaj merkato vere. Por pasi përfundoi afati i transferimeve në Itali, Real Madrid i ‘xhindosur’ denoncon zikaltërit në FIFA, me akuzën se kanë kontaktuar fshehurazi me futbollistin që është në kontratë me ta. Por nuk mbaron këtu, spanjollja “Don Balon” shkruan se vetë futbollisti kroat kishte kontaktuar FIFA-n për ti thënë se ishte ai që kishte kontaktuar Interin dhe në këtë mënyrë denoncimi bie.
Por ditën e sotme është Luka Modric i cili hedh gjithçka poshtë me anë të një postimi në Istagram, ai shkruan: “Është gënjeshtra më e madhe e historisë,” duke hedhur poshtë gjithçka që kishte shkruar “Don Balon” dhe më pas “Gazzetta Dello Sport”.
Shtypi shkroi se menaxheri i Modric kishte telefonuar drejtuesit e Inter, ndërsa ai kishte folur me kroatët e këtij ekipi Perisic dhe Brozovic. Sot erdhi përgënjeshtrimi nga mesfushori, kësisoj Real do të denoncojë Inter në FIFA, sepse kanë folur fshehurazi me futbollistin që është nën kontratë me “Los Blancos”.
