Festivali i fundvitit është komentuar shumë, kjo edhe për ndarjen e çmimeve. U përfol se çmimi i parë ishte caktuar më herët, e më pas debatet për fitoren e Arilenës. Lidhur me këto zëra e shumë të pathëna, Alketa Vejsiu ka vendosur që të flasë. Vejsiu doli hapur si mbështetëse e Elvana Gjatës, një nga pretendetet kryesore për çmimin e madh dhe Grabocka mbështetëse e rivales më të fortë të Gjatës, Arilena Arën.
Ndër të tjera, Alketa Vejsiu është shprehur se qëllimi i saj nuk ka qenë që ta drejtonte vetëm festivalin e 58 të RTSH-së. E ftuar në “Provokacija”, Vejsiu tha se ajo u ka bërë thirrje mbi 30 personaliteteve mjaft të njohur në Shqipëri, por ata e kanë lënë vetëm.
“Unë kam ftuar mbi 30 personalitete të personazheve të njohur në Shqipëri, që po të them emra, tani do të shpërthejë ndonjë polemikë. Asnjë prej tyre nuk erdhi, dhe më lanë vetëm. Po ta dinin këtë gjë mediat, ndoshta do të tregoheshin më të rezervuar dhe do të thonin ‘le ta mbështesim këtë vajzë që mbeti vetëm, t’ja dalë mbanë”, tha Vejsiu.
