Ish-deputeti i PD për qarkun e Elbasanit, Luçiano Boçi është shoqëruar në polici, pasi së bashku me disa persona të tjerë tentuan që t’i bllokojnë rrugën eskortës së kryeministrit Rama gjatë vizitës në fshatin Linas të Mollasit.
Boçi thotë për ‘Report TV’ se është kërcënuar me jetë nga zv.drejtori i Policisë së Elbasanit, Albert Nushi.
“Ishte një përplasje fizike me ish-drejtorin e Fierit, atë që paguante Fredi Alizotin, që ka dy akuza të rëndë në kurriz të tij dhe na e kanë sjellë për të pastruar në Elbasan. Ishim në bordurën e urës për protestën tonë. Protesta nuk kishte nisur.
Me atë brutalitetin e tij, na ka kërcënuar me jetë, më ka kërcënuar mua. Nuk është gjë e mirë që e them LIVE, por e vërteta është e vërtetë. Këto janë ato ish-drejtorët që e kap për veshi Fred Alizotin në përgjim dhe bën cubin me qytetarët me ne.”, deklaroi Boçi.
Albert Nushi në kohën kur ishte drejtor i Policisë së Fierit, u përfshi në përgjimet e dosjes ‘Babale 2’
Gjithashtu, kujtojmë se sot është proceduar dhe kreu i PD në Librazhd, Bujar Vreto së bashkë me pesë persona të tjerë, simpatizantë të Partisë Demokratike.
