Seanca plenare e sotme ka qenë mjaft e tensionuar. Kujtim Gjuzi është përplasur me kreun e Kuvendit, Gramoz Ruçin. Duke iu referuar vërejtjeve të Ruçit gjatë seancës së kaluar, ai tha se nuk ka shkelur kodin e etikës.
Po kështu, Gjuzi zbuloi për ardhjen e një sms-je kërcënuese, lidhur me stilin e veshjes. Duke qëndruar në të njëjtën linjë, ai paralajmëroi këdo që e kërcënon.
Debati:
Gjuzi: Në seancën e kaluar keni shkelur rregulloren për Kostaq Papën dhe Kujtim Gjuzin. Keni shkelur nenin 48. Kam vërejtje për procesverbalin. Ke shkelur kodin e etikës. Çfarë kodi kam shkelur unë? Në orën 14:39 më ka ardhur sms kërcënuese për veshje, unë nuk kërcënohen nga askush!
Ruçi: Unë nuk të kërcënoj për çështjen, të kërkoj të zbatosh etikën. Të kërkoj të mos ndalosh me autoshkollë te dera e Parlamentit!
