Për të arritur suksesin aktual, këngëtares Ava Max i është dashur shumë punë e sakrifica. Por përtej së bukurës çfarë përcillet në rrjetet sociale, ajo ka rrëfyer edhe anën e saj të errët. Këngëtarja ka treguar së fundmi se ajo ka përjetuar bullizmin gjatë viteve të shkollës, gjë që ia ka kthyer jetën në një ferr të vërtetë asokohe.
Gjatë një interviste pak para publikimit të albumit të saj “Heaven and Hell”, Ava tha se ajo ka shkruar këngën “Wo’s laughing now”, duke pasur në mendje vajzat që e kanë tallur. Ava Max shtoi se një grup vajzash e kishin vendosur në një cep, dhe i kishin futur kokën në tualet. Ky ka qenë motivi që ajo studionte në shtëpi.
“Nuk mund ta parashikosh se si do të jetë shkolla, dhe për mua ka qenë shumë e vështirë dhe unë nuk doja të shkoja më atje. Ka qenë një grup vajzash që më bullizonin gjatë gjithë kohës. Një ditë më vendosën në një cep të banjës dhe dikush më futi kokën në tualet. Për këtë arsye nuk doja të shkoja në shkollë dhe në këtë pikë vendosa të mos shkoja. Fillova të studioja në shtëpi”, ka treguar Max.
