Silvana Xhani ka qënë në fokus të mediave rozë, për shkak të akuzave të saj për Saimirin në “Love Story”. Pas eleminimit ajo tha që Saimiri ka për të dalë vetëm nga ky spektakël, sepse, sipas saj, ai po kërkon vajza që ta argëtojnë, por ajo nuk është në këtë kategori.
Silvana akuzoi 33-vjeçarin se ka ftuar vajzat në vilën e tij, gjë që është e ndaluar nga produksioni dhe se ky i fundit duhet t’ia kontrollojë mesazhet. Por moderatorja Alketa Vejsiu tha se ia kanë kontrolluar telefonin, dhe se nuk kanë gjetur asgjë.
Silvana ka nxjerrë edhe disa provat, duke publikuar në Instastory bisedat e Saimirit me të dhe dy vajza të tjera ku ai i fton në shtëpinë e tij. Asaj i është bashkuar një tjetër ish-konkurrente. Bëhet fjalë për Vivien Thano, e cila nëpërmjet një postimi në Instastory shkruan se i beson deklaratave të Silvanës, Kejdës etj., sepse edhe atë e ka ftuar në shtëpi, por ajo ka refuzuar.
