Moderatori Eni Shehu ka treguar një incident të vogël, ku në punë i është hedhur gabimisht në llogarinë e tij paga e juristes Eni Çobani. Ai zbuloi teksa ishte i ftuar dje në emisionin “Rudina” në Tv Klan, se mbiemri i vajzërisë së Eni Çobanit ka qenë Shehu.
Gazetari e njëkohësisht aktori tha më tej me shaka se fatmirëisht që nuk i shpenzoi lekët, pasi nuk do kishte mundësi që ti rimbursonte.
“Në studion tonë prezantojmë Eni Çobabin (qesh), Eni Shehun. Më pëlqeu atëherë kur unë i thashë Eni Çobanit, Eni Shehu dhe ti zbulove që Eni Çobani e ka pasur mbiemrin e vajzërisë Shehu”, i tha Rudina-Enit, ndërsa ai rrëfeu se kjo kishte ndodhur rastësisht.
“Rastësisht e kam zbuluar këtu në Klan. Më kanë kaluar një herë rrogën e Eni Çobanit dhe shyqyr që nuk e harxhova, se nuk e di ku mund t’i gjeja lekët që t’ia rimbursoja. Nuk e vura re, sepse ishte shumë i shpejtë operacioni financiar, saqë ashtu siç erdhën, ashtu ikën lekët. Unë thjesht e mora vesh nëpër korridore”.
