Italia ka zhvilluar një vaksinë kundër koronavirusit, e cila është 92.5% efektive dhe e provuar në 100 vullnetarë.
Vaksina e zhvilluar nga kompania ReiThera ka dhënë rezultate më të mira se vaksinat e prodhuara nga Pfizer dhe Moderna, pasi nuk ka asnjë efekt anësor, shkruan Tgcom24.
Komisioneri Italian për pandeminë e COVID-19, Domenico Arcuri, tha se qeveria ka caktuar një sasi burimesh të mjaftueshme për të vazhduar me fazën 2 dhe 3 të vaksinës.
Ai u shpreh se vaksina është në një dozë e vetme dhe nuk ka pasur ndonjë efekt negátiv serioz në 28 ditët e para pas vaksinimit.
Ndërkohë, Ministri i Shëndetësisë, Roberto Speranza deklaroi se nëse të dhënat e marra deri më tani konfirmohen, në muajt e ardhshëm Italia do të ketë një vaksinë efektive dhe të sigurt me një dozë të vetme në vend të dy dozave.
Sipas presidentit të kompanisë ReiThera, synohet që të prodhohen 100 milionë doza në vit, ndërkohë që vaksina mund të ruhet në temperaturë midis 2 dhe 8 gradë.
