Mediat italiane kanë bërë të ditur pistat se ku janë përqendruar hetimet dhe se cilat janë motivet e krimit të ndodhur me 27 gusht në Dibër të Madhe, ku u gjetën të varrë Amid e Nazmije Pocesta si dhe vajza e tyre e vogël, Anila. Për autoritetet gjyqësore të Maqedonisë “dyshim është i arsyeshëm”, se vajza e madhe e familjes Blerta, 28-vjeç, ka vrarë në gjumë motrën, nënën dhe babanë. Dy burra, dajë dhe nipi, i kanë siguruar mbështetje vajzës së re, ku njëri i kishte siguruar armën dhe tjetri e kishte ndihmuar të largohej nga vendi i ngjarjes.
“Mbetet për t’u qartësuar motivi i vrasjes së trefishtë”, ka thënë komisar Marco Odorisio. Sipas tij kontrollet vazhdojnë, dhe më i mundshëm është fakti se krimi mund të këtë ndodhur për arsye ekonomike.
Por për të gjithë ata që e njohin Blertën janë shprehur se ajo ka qenë një nxënëse e shkëlqyer dhe se gjithmonë kishte punuar nëpër vende të ndryshme të Evropës, si dhe ka ndihmuar familjen e cila kishte marrë kredi për të blerë një shtëpi në Cornadella të Italisë. Pista sigurimit të jetës gjithashtu është e mundshme, pasi vajzat mund ta përfitonin atë pas vdekjes së prindërve të tyre.
Prokuroria në Pordenone ka urdhëruar hetime të mëtejshme për të parë se si kanë qenë marrëdhëniet ekonomike mes viktimave dhe vajzës, duke përfshirë llogaritë bankare. Po ashtu, shqyrtohen edhe motivet personale, të lidhura me dallimet e mundshme mes fëmijëve në familje.
Skeda e bashkëpunëtorit: Sapo u largua nga aeroplani, të shtunën, më 25 gusht, Blerta kishte telefonuar një numër.
Falë teknologjisë së “inteligjencës në mediat sociale”, e cila analizon dhe studion profilet e aktivizuar në rrjet, detektivë në Pordenone kanë identifikuar se bashkëbiseduesi i saj ishte Gashi, të cilat i kishin dërguar njëri-tjetrit screenshot.
Të dhënat për të rinjtë iu dhanë policisë maqedonase, si dhe imazheve e kamerave të aeroportit të Venecias. Sipas medias lokale të dy ata ishin takuar në stacionin e autobusëve në Gostivar, dhe vajza kishte qëndruar në një hotel në Strugë, përpara se të ndodhte krimi.
Arma e kishte pasur të mbështjellë me një shall dhe ajo kishte vendosur doreza, janë pamjet që janë filmuar.
Vajza e re ka pranuar vrasjen e trefishtë pas 24 orësh, pasi ishte marrë në pyetje. Sipas mediave maqedonase, ajo do t’u jepte bashkëpunëtorëve nga 700 euro dhe u kishte premtuar punë në Itali.
Burimi: messaggeroveneto.gelocal.it
Përshtati: Tirana Today
