Protestuesit e mbledhur në kryeqytet kundër rritjes së çmimeve, kanë shfrytëzuar protestën e sotme, për tu tallur me ministret e kabinetit “Rama 3” sa i takon deklaratave që kanë dhënë gjatë ditëve të fundit. Deklaratat e tyre të cilat morën vemendjen e mbarë opinionit publik, kishte të bënte me standardin ekonomik.
Ndërsa Rama ka deklaruar disa herë se është një vit i thatë pa reshje, dhe ndaj janë të detyruar të blejnë energji me çmim të lartë, protestuesit risjellin shprehjen e ministres Edona Bilali për “Zeusin”.
“T’i lutemi Zeusit për shi”, shkruan një pankartë. “Me 5 thashë miell në muaj nuk quhesh i varfër”, thotë një tjetër pankartë me foton e ministres Delina Ibrahimaj, e cila tha se një qytetar me 140 euro nuk quhet i varfër.
