Skocia ishte një ndër vendet ku në ligën e tyre kryesore nuk kishte luajtur një futbollist shqiptar. Por tashmë edhe në Premiership do të ketë një të tillë dhe do të jetë 20-vjeçari Egli Kaja. Ky i fundit ka kaluar në huazim nga ekipi anglezi AFC Wimbledon që militon në ligën e tretë Liga One tek ekipi i Livinghston e cila këtë sezon është ngjitur në elitë.
Kaja është një futbollist që i bën mjaft mirë të dyja anët e sulmit, ndërsa në sezonin që lamë pas ai është aktivizuar 24 ndeshje dhe ka shënuar tre gola tek skuadra e Wimbledon. Në vitin 2017 ai ka qenë edhe psjesë e kombëtares U-21.
Pasi refuzoi mundësinë për të shkuar te Leeds United, ku nuk kishte të garantuara minutat e nevojshme në fushë, që i nevojiten për rritjen e tij profesionale, Kaja ishte pranë Falkrik në kategorinë e dytë skoceze, por një javë më parë ai u transferua te Livingston, në elitën e futbollit skocez, shkruan Telesport.
“Jemi të lumtur që kemi në ekip një futbollist të ri premtues si Egli. Jam shumë i kënaqur që kemi mundësinë ta ndihmojë të përmirësohet, sepse është një lojtar me shumë potencial, që do t’i shërbejë skuadrës tonë.”–deklaroi trajneri i Livingston, Kenny Miller për “BBC Sports”.
Egli Kaja ka të njëjtin menaxheri me të famshmin Harry Kane. Ai do të debutojë zyrtarisht me Livingston në një ndeshje “epike”, kundër kampionëve të Celtic, më 4 gusht.
