Conor McGregor është rikthyer tek postimet në rrjetet sociale pas një pauze disa ditore që pas incidentit në Brooklyn ku dhe u arrestua. Ylli irlandez i arteve marciale mikse pak ditë më parë sulmoi autobusin ku ndodheshin luftëtarët e UFC-së pas konferencës.
Megjithatë, gjatë të hënës e ka publikuar një fotografi, të cilën nuk e ka shoqëruar me mesazh.
Imazhi e shfaq 29-vjeçarin duke shkuar drejt automjetit të tij luksoz në New York, i shoqëruar nga stafi i sigurimit dhe nga miku i tij, Cian Cowley. Fotografinë e ka shoqëruar vetëm më një figurë të ‘duarve që luten’.
‘The Notorious’ rrezikon burgun pasi përballet me tre akuza për shkak të veprimit të tij në Barclays Center në New York. Njëra prej akuzave është ‘sjellje kriminale’.
Në ndërkohë, një postim e ka bërë edhe babai i McGregor, Tony, i cili e ka publikuar një fotografi të përbashkët me birin e tij.
“ADN-ja është ajo që jemi”, ka shkruar ai në përshkrim.
