Kryetari i Komisionit të Jashtëm të Parlamentit Europian, David Mcallister është politikani i rradhës i faktorit ndërkombëtar, që reagon lidhur me ndryshime në Kodin Zgjedhor.
Mcallister thotë se ndryshimet e njëanshme të marrëveshjes së 5 qershorit, mund të çënojnë zhvillimin e Konferencës së parë ndërqeveritare, për hapjen e negociatave.
Ai shprehet shqetësimin se kodi do votohet nesër në Kuvend, edhe pse u kërkua të pritej për opinionin e Komisionit të Venecias.
”Ndryshimet e njëanshme të marrëveshjes mund të ngulitin më tej klimën e mosbesimit dhe polarizimit përpara zgjedhjeve të përgjithshme të 25 prillit 2021. Ato do të jenë joproduktive ndaj përpjekjeve për hapjen e konferencës së parë ndërqeveritare deri në fund të vitit.
Ekstremisht i shqetësuar se, pavarësisht thirrjeve kombëtare dhe ndërkombëtare, duke kërkuar që të presin një mendim të Komisionit të Venecias, votimi për ndryshimet në Kodin Zgjedhor të Shqipërisë është caktuar për nesër.’’, shkruan Mcallister në Twitter.
Extremely concerned that, despite national and international calls, urging to wait for an opinion of the Venice Commission, the vote for changes to the #Albania‘s Electoral Code have been scheduled for tomorrow.
— davidmcallister (@davidmcallister) October 28, 2020
