Burri i së ndjerës Caroline Crouch, po qëndron në një burg në të cilin strehohen përdhunuesit dhe terroristët. 33-vjeçari Babis Anagnostopulos, qëndron në krahun ‘VIP’. Piloti vrasës është duke vuajtur dënimin në burgun e sigurisë së lartë të Koridhalos. Anagnostopulos më parë kishte pranuar se ai ‘humbi durimin’ kur gruaja e tij kërcënoi ta linte dhe të merrte vajzën e tyre të vogël. Ai është akuzuar për vrasjen e Caroline dhe po përballet me një dënim të përjetshëm për mbytjen e saj, pasi sajoi një grabitje në banesën e tij.
Babis i cili pranoi vrasjen e 20-vjeçares, thuhet se po kërkon të shpëtojë nga një dënim i përjetshëm për vrasjen. Ai u arrestua nga policia të enjten, dhe pranoi se kishte vrarë gruan teksa ishte tejet i zemëruar.
Anagnostopulos mbërriti në burg rreth orës 21:30, dhe u dërgua në atë që njihet si krahu “VIP” për strehimin e të burgosurve që kanë nevojë për mbrojtje. Burgu i mbipopulluar drejtohet nga bandat, duke shitur hapur heroinë. Burgu ka katër krahë të mëdhenj, secili mban 431 të burgosur, të punësuar nga një oficer i vetëm i burgut, i cili nuk kishte asnjë kontroll mbi ta.
Spitali i burgut i projektuar për të mbajtur 60 pacientë, kishte 200 pacientë në të njëjtën kohë, duke çuar në sëmundje vdekjeprurëse të tilla si tuberkulozi që përhapet midis pacientëve.
Të burgosurit e sëmurë, shumë me HIV, u detyruan të flinin në dyshekë në dysheme dhe nuk ka dhoma të vetme, madje edhe për më të moshuarit ose për të sëmurët.
Gjatë viteve ka pasur disa trazira dhe protesta në lidhje me kushtet për të burgosurit, madje u vunë zjarrin burgut.
Burimi i lajmit: thesun. Përshtati Tirana Today
