Gjykata e Krimeve të Rënda ka lënë në burg Namik Velajn, 76-vjeçarin që akuzohet për vrasjen e gruas së tij Verke Velaj në janar të 2017-ës.
Ai u arrestua dy ditë më parë pasi akuzohet për vrasjen e gruas së tij. Ishte 76-vjeçari ai që tha vdekja ishte natyrale për gruan e tij dhe për këtë u plotësuar dhe kartela e vdekjes nga Ilir Tanku që po ashtu sot është nën akuzë.
Ballafaqimet mes familjarëve të Verke Velaj dhe Namik Velaj si dhe përgjimet telefonike të urdhëruara nga prokuroria faktuan se autori i krimit ishte 76-vjeçari dhe familjarët e tij kishin pasur dijeni por e fshehën.
Vdekja e Verke Velaj ndodhi në Janar 2017 pasi Namiku e mbyti me litar dhe më pas për të humbur gjurmët fytin e saj e mbuloi me një shall. Mësohet se shalli ishte i vajzës së tyre dhe i moshuari pasi e kishte vendosur kishte urdhërtuar që mos i hiqej.
