Të paktën 71 persona kanë vdekur, pas mbytjes së një trageti në lumin Tiger, në veri të Irakut.
Sipas Saif al-Badr, zëdhënës në ministrinë e shëndetësisë, afërsisht 150 njerëz ishin brenda në bord, mes të cilëve mbi 80 gra dhe fëmijë.
Ekipet e shëptimit ishin në gjendje të nxirrnin një numër trupash nga lumi, ndërsa operacionet e kërkimet po vijojnë ende punën.
“Departamenti i Burimeve Ujore paralajmëroi disa ditë më parë se niveli i ujit do të rritet si rezultat i hapjes së digave,” tha kryetari i Ninvehës, Abd al-Sattar Habu.
Ndërkaq, gjenerali brigadier i Mbrojtjes Civile, Malik Bohan tha se trageti ishte i ngarkuar me dyfishin e kapacitetit të lejuar.
Sipas një deklarate, kryeministri irakian Adil Abdul al-Mahdi urdhëroi një hetim të menjëhershëm dhe kërkoi që gjetjet t’i paraqiten brenda 24 orëve.
Trageti ishte duke i transportuar njerëzit në një ishull të vogël turistik, të quajtur U mal Rabeein.
