Një ngjarje e rëndë është regjistruar pranë brigjeve të Libisë, teksa 6 emigrantë humbën jetën pasi gomonia me të cilën udhëtonin drejt Evropës pësoi avari.
Sipas Organizatës Ndërkombëtare për Emigracionin, në momentin kur varka pësoi avari në bord ndodheshin rreth 100 persona.
Falë ndërhyrjes së shpejtë të rojeve bregdetare të Libisë, 93 prej emigrantëve arritën të shpëtojnë. Ata u rikthyen sërish në vendin afrikan nga ku u nisën.
Bregu perëndimor libian është rruga kryesore përmes së cilës emigrantët afrikanë tentojnë të arrijnë në vendet evropiane.
