Kryeministri Edi Rama ka reaguar në lidhje me protestën e nxënësve të “Mehmet Akif”. Kreu i qeverisë thotë se është zbatuar ligji. Rama shprehet se nxënësit e shkollës së mbyllur të protestojnë kundër pronarëve që shitën godinën e shkollës, dhe e spostuan aktivitetin pa marrë leje sipas ligjit, e pa respektuar rregullat e parashikuara ligjërisht.
Ja se çfarë shkruan Rama
Nxënëset e shkollës së mbyllur të protestojnë kundër pronarëve që shitën godinën e shkollës dhe e spostuan aktivitetin gjetkë, pa marrë leje sipas ligjit e pa respektuar rregullat e parashikuara ligjërisht! Ministria e Arsimit dhe Sportit ka zbatuar ligjin si në raste të tjera.
Nxënëset e shkollës së mbyllur të protestojnë kundër pronarëve që shitën godinën e shkollës dhe e spostuan aktivitetin gjetkë, pa marrë leje sipas ligjit e pa respektuar rregullat e parashikuara ligjërisht! Ministria e Arsimit dhe Sportit ka zbatuar ligjin si në raste të tjera.
— Edi Rama (@ediramaal) September 26, 2022
Nxënësit e shkollës “Mehmet Akif Ersoy” dolën në protestë, për të protestuar kundër mbylljes së shkollës. Nxënës, prindër por edhe mësues të këtij kolegji bllokuan rrugën pranë Ministrisë së Arsimit, ndërsa mbanin pankarta në duar me mbishkrime të ndryshme. Një prej tyre thotë: Mbyllni derë shkolle, e hapni dyer burgu!
Në VKM theksohej se ky institucion ka për detyrë të pajisë çdo nxënës me dokumentet e nevojshme për transferimin e nxënësve në një tjetër shkollë, të paguajë detyrimet e transferimit dhe t’u kthejë paratë që kanë paguar për vitin shkollor.
