Nxënësit e kolegjit privat “Mehmet Akif” po protestojnë para ambienteve të Ministrisë së Arsimit. Nxënësit kërkojnë shfuqizimin e vendimit për mbylljen e shkollës.
“Na shkatërruat çdo ëndërr që kemi krijuar në ambientet e shkollës “Mehmet Akif”. Jemi kundër mbylljes së arsimit cilësor. Sot kuptova se çdo të thotë që të të prishin ëndrrat. Anullo mbylljen e “Mehmet Akif”, u shprehën nxënësit.
Pas vendimit për mbylljen e kolegjit privat turk “Mehmet Akif”, Ministria e Arsimit ka sqaruar publikun edhe për arsyet dhe shkaqet e marrjes së këtij vendimi. Në një reagim zyrtar, Ministrja e Arsimit Evis Kushi, thotë se ky vendim ka ardhur si rezultat i konstatimit nga Ministria e Arsimit të një sërë shkeljeve të legjislacionit në fuqi nga zotëruesit e licensës në fjalë. Sipas saj, Ministria e Arsimit në çdo rast ka përgjegjësinë për garantimin e standardeve, sigurisë dhe mirëqenies së nxënësve.
