Kryeministri Edi Rama ka postuar në Facebook një foto, ku tregohet se Hetimi Tatimor ka bllokuar një pikë karburanti, e cila sipas tij është konstatuar me probleme.
Rama nënvizon se aksionet kundër informalitetit do të vijojnë me intensitet të fortë, ndërsa paralajmëron të gjithë pikat që nëse nuk dorëzojnë kupton tek konsumatorët, do kenë të njëjtin fat si biznesi në foto.
“Ja kështu si ky sot, do mbyllet çdo stacion karburanti që nuk tapos përfundimisht pompën manuale dhe nuk i dorëzon kupon konsumatorit”, shkruan kryeministri.
Aksionet e Hetimit Tatimor kundër informaliteti vijojnë, teksa më herët ditën e sotme zv.kryeministri Braçe doli në terren bashkë me drejtoreshën e tatimeve, për të kontrolluar vijueshmërinë e punës.
