“Mbyll sytë dhe mendja nuk më largohet”, djali i Maradonës tregon vuajtjet

Djali i Maradonës tregon se tashmë është izoluar, dhe se po kalon një periudhë të vështirë të jetës së tij. Vdekja e Maradonës ka shkaktuar traum tek i biri Diego Armando Maradona Sinagra. Ai zbulon së fundmi për “Marca” se po vuan shumë ndarjen nga jeta të babait të tij, teksa ka shfaqur probleme me gjumin.

Si po kalon tani?
Kam patur probleme me gjumin. Kam harruar se ç’do të thotë të pushosh. Mbyll sytë dhe mendja nuk më largohet.

Nuk udhëtuat në Buenos Aires. A ishte gjëja me e dhimbshme?
Ishte gjëja më e keqe. Të të vdesë babai dhe të mos jesh në gjendje ta jesh me të, as t’i japësh lamtumirën. Nuk është e lehtë të jesh 15 mijë km larg.

A e ndjek televizorin?
E ndez televizorin, por shikoj pak. Po përpiqem të izolohem. Vuajtja është personale.

Kampioni u shua në moshën 60-vjeçare, pas një infarkti kardiak në shtëpinë e tij, ku ishte vendosur pas një ndërhyrjeje në tru si shkak i një hematome. Ai ishte operuar në kokë, pasi kishte një hematomë në tru.

Maradona do të jetë gjithnjë idhull i futbollit për argjentinasit, dhe thuajse një perëndi për napolitanët. Jeta e Maradonës është një ndërthurje mes lavdisë dhe dështimeve, mes famës dhe skandaleve.