Dashuria nuk njeh moshë, fe, por as status shoqëror. Një vajzë që shërbente si truprojë e mbretit të Tajlandës, tani do të jetë mbretëresha e vendit. Mbreti i Tajlandës i surprizoi të gjithë kur bëri të ditur se kë kishte përzgjedhur si bashkëshorten e tij të ardhshme.
Në fakt marrëdhënia që Maha Vajiralongkorn kishte me zv/shefen e sigurisë Suthida dihej prej kohësh. Ata kishin disa vite të lidhur, por çifti nuk e kishte pranuar asnjëherë hapur. Ata kryen të gjitha ritet, nga ato tradicionalet si derdhja e ujit të shenjtë në kokën e mbretëreshës së re, deri tek zyrtarët duke firmosur celebrimin.
Për 66 vjeçarin kjo nuk është martesa e parë. Ai ka qenë i martuar edhe tri herë të tjera dhe ka shtatë fëmijë. Maha erdhi në fron në vitin 2016, pas vdekjes së babait të tij.
