Mbretëria e Bashkuar vijon të jetë një ndër shtetet që regjistron bilancin ditor më të rëndë nga koronavirusi.
Në 24 orët e fundit në vend janë shënuar 761 viktima, ndërsa janë regjistruar 4,605 raste të reja. Prej 4 ditësh tashmë vendi po shënon më pak se 800 viktima, por prapë bilanci ditor vijon të jetë mbi 700 viktima.
Ditën e djeshme u regjistruan 778 vdekje (17 më shumë se sot) dhe 5,252 raste të reja ose rreth 600 raste më shumë se sot.
Kurba duket të ketë një rënie të lehtë, por pritet të shihet nëse këto rezultate do të vijojnë të jenë të njëjta edhe ditën e nesërme.
Mbretëria e Bashkuar renditet e pesta në botë me numrin më të madh të viktimave (12,958), pas SHBA-ve (26,064), Italisë (21,067), Spanjës (18,579) dhe Francës (15,729).
Që nga shpërthimi i koronavirusit, Mbretëria e Bashkuar ka regjistruar më shumë se 98 mijë raste infektimi.
Më shumë se milionë njerëz nga e gjithë bota janë prekur nga COVID-19, ndërsa mbi 128 mijë persona kanë humbur jetën.
