Mbretëria e Bashkuar ka shënuar sot bilancin më të ulët në dy javët e fundit.
Sipas mediave britanike, në 24 orët e fundit janë shënuar 450 viktima, 146 më pak se ditën e djeshme ku u regjistruan 596 vdekje.
Që nga shpërthimi i koronavirusit, Mbretëria e Bashkuar ka regjistruar më shumë se 120 mijë raste infektimi.
Me më shumë se 16 mijë viktima, MB renditet e pesta për numrin më të madh të vdekjeve të shënuara nga COVID-19, pas SHBA, Italisë, Spanjës dhe Francës.
Mbretëria e Bashkuar është një nga vendet e pakta që nuk ka një bilanc të qartë, të numrit të personave që kanë arritur ta mposhtin sëmundjen.
Vendi më i prekur brenda Britanisë mbetet Londra. Mësohet se 1,559 persona në Mbretërinë e Bashkuar ndodhen në gjendje të rëndë shëndetësore.
Më shumë se 2,4 milionë njerëz nga e gjithë bota janë prekur nga COVID-19, ndërsa mbi 166 mijë persona kanë humbur jetën.
