Mbretëresha e Britanisë thuhet se do të qëndrojë në izolim deri në muajt e verës.
Që prej shpërthimit të pandemisë së koronavirusit, mbretëresha Elizabetha ndodhet ende e izoluar në Windsor. The Sun shkruan se për shkak të moshës së saj do të ishte e rrezikshme që ajo të ekspozohej.
Por biografi mbretëror, Andreë Morton beson se mbretëresha nuk do t’i kthehet më kurrë jetës publike. Kjo pasi për shkak të detyrave të saj duhet të ketë kontakte të afërta me njerëzit.
“Është tmerrësisht e trishtueshme, por nuk shoh një mënyrë se si mbretëresha mund t’i rikthehet punës së saj të zakonshme. Virusi COVID-19 do të qëndrojë me ne për muaj, ndoshta edhe vite. Do të jetë shumë e rrezikshme për mbretëreshën të takohet me njerëz, si zakonisht. Asaj i ka pëlqyer gjithmonë të dalë dhe të takojë njerëz, por tani s’mund të rrezikojë. Si mund t’i kryejë ajo punët pa u takuar me njerëz? Nëse infektohet do të ishte fatale dhe do të vendoste edhe Princin Philip në rrezik”, tha ai.
