Kreu demokrat Lulzim Basha ka thirrur një mbledhje të forumeve drejtuese të PD-së. Nga informacionet paraprake, bëhet me dije se mbledhja do nisë në orën 22:30 në selinë e PD-së, ndërsa në të do të jenë pjesëmarrës anëtarët e Kryesisë dhe ish-deputetët e kësaj force politike. Gjithashtu raportohet se do të jenë të pranishëm edhe drejtues të partive opozitare.
Gjatë mbledhjes do të diskutohet strategjia që do të ndjekë opozita në javën e fundit, që duket se do të jetë përcaktuese lidhur me 30 qershorin.
Basha u shpreh i bindur se në 30 qershor nuk do të ketë zgjedhje, dhe se nuk do të ketë asnjë pazar për zgjidhjen e krizës.
