Menjëherë pas lajmit se Kuvendi do të mblidhet sot në orën 17:00, vjen lëvizja e Partisë Demokratike. Kjo e fundit ka mobilizuar strukturat për protestë pikërisht në orën 16:30, vetëm 30 minuta para nisjes së seancës parlamentare.
Mësohet se Partia Demokratike u ka bërë mesazh strukturave që të jenë të pranishme para Kuvendit, ndërsa nuk dihet ende nëse edhe LSI do të veprojë në të njëjtën mënyrë.
Kuvendi do të mblidhet sot për të zëvendësuar të enjten e shkuar, pasi Ruçi njoftoi shtyrjen e seancës për shkak të protestës së opozitës.
Vendimi është marrë nga Konferenca e Kryetarëve, e cila vendosi që seanca plenare të mbahet në orën 17:00.
