Kryetarja e grupit demokrat në parlament, Rudina Hajdari, ka deklaruar se ndryshimi i sistemit nuk është në fokus të tryezës së bisedimeve për Reformën Zgjedhore, po as nuk është përjashtuar.
Në një prononcim për mediat, Hajdari foli për listat e hapura. Ajo shtoi më tej se hapja e listave do ishte pozitive dhe do çlironte energji pozitive për zgjedhjet e ardhshme.
“Produkti final duhet të jetë më gjithëpërfshirës dhe të përfshijë aktorë politikë dhe ne nuk jemi kundër kësaj. Për ne është e rëndësishme që të arrihet një konsenus. Ndryshimi i sistemit nuk është përjashtuar nga tavolina dhe është një gjë për tu parë.
Fakti se ne duhet të kemi një produkt të dakordësuar nga të gjitha palët dhe e rëndësishme për ne është që kjo tryezë të mos kalojë si një marrëveshje nga ato që kemi pasur eksperienca të mëparshme.
Duhet të kemi lista të hapura. Mendoj se hapja e listave do ishte pozitive dhe do çlironte energji pozitive për zgjedhjeet e ardhshme. Tani e tutje ne do te takohemi edhe ditë për ditë sepse duhet një punë shumë intensive”, tha Hajdari.
