Në Festivalin e 59-të të Këngës, 26 artistë janë përzgjedhur për të konkurruar këtë vit. Si çdo vit nuk kanë munguar pakënaqësitë, ku shpesh janë bërë publike në rrjetet sociale. Këngëtarët janë të irrituar se nuk ka konkurs, por fituesi shpallet paraprakisht.
Artisti fitues pritet të përfaqësojë Shqipërinë vitin e ardhshëm në festivalin europian, “Eurovision”, i cili këtë vit nuk u organizua për shkak të pandemisë.
Por në kohën kur duket se gjithçka po shkon mirë, këngëtarët janë rebeluar mbi ato vendime që duket se janë marrë më herët.
Me anë të një postimi në Instagram, Erik Lloshi ka thumbuar “Festivalin e Këngës”, duke e quajtur mediokër.
“Ore ka mbaru festivali apo ça po ndodh? Ça turpi është ky shtet! Më vjen për të vjellë që jap kontributin tim në muzikë për këtë shtet, ku mbizotëron mendja mediokre dhe kurvëria. Muzika ka vdek me kohë. S’ja vlen më”, shkruan ai.
