Protestës së studentëve i janë bashkuar sot mbi 50 pedagogë të universitetit të Shkencave Sociale. Po ashtu, pedagogët firmosën një dokument ku i kërkuan qeverisë shfuqizimin e ligjit problematik të arsimit të lartë, të cilin e cilësojnë si shkakun themelor të problemeve në universitetet publike shqiptare.
Po ashtu, pedagogët kanë shpërndarë edhe një dokument drejtuar rektoratit që në fillim të vitit 2015, ku ata bënin vërejtje thelbësore për reformën ende të pa miratuar në parlament.
Veç studentëve, edhe pedagogët janë shprehur kundër ligjit të arsimit të lartë, për të cilin kryeministri Rama tha në një studio televizive se nuk ka dështuar.
