Numri i të infektuarve me koronavirus në të gjithë botë, ka shkuar në 40 milion, sipas të dhënave nga Universiteti Johns Hopkins.
Numri i përgjithshëm i viktimave është mbi 1.1 milion, ndërsa i të shëruave mbi 27.5 milionë.
Por, ekspertët besojnë se numri i vërtetë i rasteve dhe viktimave është shumë më i lartë, duke marrë parasysh mungesën e testimeve dhe raportimin e dobët nga disa vende.
Koronavirusi është shfaqur për herë të parë në qytetin Vuhan të Kinës, në fund të vitit të kaluar, dhe deri më tani është përhapur në gati 200 vende të botës.
Shtetet e Bashkuara janë vendi më i prekur në botë, me mbi 8.1 milionë njerëz të infektuar dhe mbi 219,000 viktima.
