Në vetëm pak ditë, SHBA është kthyer në vendin me numrin më të madh të rasteve me koronavirus.
Deri më tani regjistrohen më shumë se 270 mijë raste infektimi, më shumë se ¼ e rasteve në të gjithë botën.
Ndërkohë një rritje e ndjeshme po shihet edhe në numrin e viktimave, teksa në 24 orët e fundit u regjistruan më shumë se 1 mijë viktima.
Një nga vendet më të prekura në SHBA është New York. Numri total i viktimave nga COVID-19 në Shtetet e Bashkuara të Amerikës ka shkuar në 6,927, duke u renditur e treta në rang botëror për numrin e vdekjeve.
Në vend të parë renditet Italia me mbi 14 mijë persona të vdekur, ndërsa më pas vjen Spanja me mbi 10 mijë viktima.
Ndërkohë në plot 10 vende të botës (Itali, SHBA, Spanjë, Iran, Kinë, Mbretëri e Bashkuar, Francë, Belgjikë, Gjermani dhe Holandë) numri i viktimave e ka kaluar shifrën “1,000”.
Ekspertët e OBSH-së kanë paralajmëruar se SHBA mund të jetë epiqendra e re e koronavirusit.
