Kryeministri Rama njoftoi në një komunikim online se në datën 27 prill, do të hapet blloku i dytë i bizneseve, kjo me protokolle të caktuara të cilat duhet të zbatohen me rigorozitet. Kreu i qeverisë paralajmëroi bizneset, se kjo masë lehtësuese vjen në një kohë kur risku është i lartë.
E madje ai tha se nëse zgjidhja nuk është individuale, atëherë në fuqi do të hyjnë mjetet penalizuese. Kryeministri vuri në dukje se çelësi i suksesit për t’ia hedhur mbanë kësaj pandemie, është duke mbrojtur njëri-tjetrin. Lista e aktiviteteve që do të hapen, do të publikohen në e-Albania, dhe çdo aktivitet ka kodin e vetë përkatës.
“Të hënën më 27 prill, hapet blloku tjetër i bizneseve, me protokolle të caktuara. Dua të analizojë dhe është shumë e rëndësishme se protokollet duhen lexuar dhe zbatuar, pasi hapja vjen me risk.
Ne kemi mjete penalizuese, duke përfshirë edhe masat e reja të Kodit Penal që hyn në fuqi këto ditë, por fillimisht duhet të mendojnë për veten, jo ndëshkimet.
Duke mbrojtur njëri-tjetrin, atëherë mund të hapemi. Hapja në të gjithë botën është një proces gradual, dhe askush nuk e di si do të shkojnë gjërat. Të gjithë janë të përgatitur për t’u tërhequr, nëse dinamika e epidemisë kap nivele negative.
Do të publikohen sot që të marrin masat që të jenë në rregull. Lista e aktiviteteve që do të hapen do të publikohen në e-Albania, dhe çdo aktivitet ka kodin e vetë përkatës. 27.589 punonjës të regjistruar, tregtim me pakicë e veshjeve, mallrave të tjera, tregtia me pakicë e këpucëve, tregtia me pakicë e mobiljeve, pajisjet e ndriçimit, tregtia me pakicë e luleve, e bizhuterive, e pajisjeve audio dhe video, qylymave, e lodrave, e pajisjeve sportive, e sistemeve të sigurisë dhe taksitë me një person brenda në diagonal”, tha Rama.
