Spanja ka kaluar sot shifrën prej 200 mijë të personave të infektuar nga koronavirusi.
Por pavarësisht kësaj, Spanja po njeh një përmirësim të dukshëm pasi numri i rasteve të reja dhe viktimave po bie nga dita në ditë.
Në 24 orët e fundit në vend janë shënuar 399 viktima, 11 më pak se ditën e djeshme ku u regjistruan 410 persona të vdekur.
Ndërsa janë shtuar 1,536 raste të reja, pothuajse 3 mijë raste më pak nga dita e djeshme ku u shënuan 4,258 raste.
Numri total i viktimave në Spanjë ka arritur në 20,852, duke u renditur e treta pas SHBA-ve dhe Italisë, për numrin më të madh të vdekjeve të shënuara nga COVID-19.
Që nga shpërthimi i pandemisë, Spanja ka regjistruar 200,210 raste infektimi, prej të cilave vetëm 98,771 janë ende aktive.
Deri më tani janë shëruar 80,587 persona, ndërsa mbi 7 mijë pacientë ndodhen në gjendje të rëndë shëndetësore.
Kryeministri spanjoll, Pedro Sanchez pritet të kërkojë nga parlamenti nesër, që të zgjasë bllokimin e vendit deri më 11 maj.
