Kryedemokrati, Lulzim Basha ka reaguar lidhur me sulmet e përgjakshme, të ndodhura këtë fundjavë në El Paso dhe Ohio të SHBA.
Përmes një postimi në “Twitter”, Basha dënon këto sulme, ndërsa shprehet i tronditur nga humbja e jetëve të pafajshme.
“Jam thellësisht i tronditur nga sulmet burracake dhe humbja e jetëve të pafajshme në El Paso dhe Ohio. Mendimet dhe lutjet e mia janë me familjet e viktimave dhe me të plagosurit. Shqiptarët në të gjithë botën qendrojnë përkrah miqve tanë amerikanë dhe lutemi për familjet dhe të dashurit e tyre”, shkruan Basha.
