Tre persona të tjerë kanë ndërruar jetë nga koronavirusi në Greqi, në 24 orët e fundit.
Mediat vendase bëjnë me dije se viktimat janë shënuar në Selanik dhe në Athinë. Kështu numri total i vdekjeve nga COVID-19 në shtetin fqinj ka shkuar në 93.
72 raste të reja janë konfirmuar në vend, duke e çuar në 2,081 numrin total të rasteve të infektimit.
Situata vijon të jetë alarmante në Larisa, ku një vend banim romësh është kthyer në një vatër të koronavirusit.
Deri më tani në Greqi janë shëruar 269 persona, ndërsa numri i rasteve që janë ende aktive është 1,719. Nga këta, 75 pacientë raportohen të jenë në gjendje kritike.
Greqia ka zhvilluar mbi 35 mijë teste për zbulimin e koronavirusit.
