“Fundjavë Ndryshe” së bashku me bamirësit, i’u kanë ardhur në ndihmë grave dhe vajzave, viktima të dhunës, të cilat përballen me vështirësi për t’iu larguar keqtrajtimit të bashkëshortëve dhe për të siguruar jetesën për familjet e tyre.
Themeluesi i “Fundjavë Ndryshe”, Arbër Hajdari, ka mbajtur një takim sot me Shoqatën “Komuniteti Papa Xhovani për gratë e dhunuara” . Prej kohësh, “Fundjavë Ndryshe” së bashku me bamirësit kanë ndihmuar shumë gra, duke i siguruar atyre strehim dhe mbështetje ekonomike. Po kështu vijojnë koordinimin dhe përkrahjen.
Dhuna ndaj grave është një problem social. Viktimizimi i grave nga bashkëshortët e tyre përforcohet nga gjendja ekonomike, mentaliteti dhe tradita, si dhe ndërgjegjësimi jo i mjaftueshëm i njerëzve mbi dhunën në familje.
