Trupi i pajete i nëntetares 32-vjeçare, Zarife Hasanaj, e cila humbi tragjikisht jetën nga shpërthimi i një mine në Letoni mbërrin në atdhe mesditën e sotme.
Ministria e Mbrojtjes bën me dije se sot ne orën 12:45 në bazën ajrore në Rinas do të organizohet ceremonia e pritjes së trupit të pajetë të nëntetares Zarife Hasanaj.
Ndërkohë ditën e nesërme, me 10 Maj, ora 10 – 11:30 në hollin e Pallatit të Kongreseve do të zhvillohen homazhet për nder të efektives së Forcave të Armatosura dhe në 11:45 – 12:30 ceremonia shtetërore me pjesëmarrjen e përfaqësuesve të lartë të shtetit, po te Pallati i Kongresese.
