Ambasada e Italisë në Shqipëri i ka uruar sot mirëseardhjen ambasadorit të ri, Fabrizio Bucci.
Përmes një postimi në Facebook, ambasada ka shpërndarë edhe mesazhin e ambasadorit të ri në ditën e tij të parë të punës. Fabrizio Bucci shprehet se e presin muaj me aktivitete dhe angazhime të shumta për të forcuar marrëdhëniet midis Italisë dhe Shqipërisë.
“Menjëherë në punë për Sistemin Italian në Shqipëri, na presin muaj me aktivitete dhe angazhime të shumta për të forcuar marrëdhëniet midis dy Vendesh që kanë qenë gjithmonë të veçantë për njëri-tjetrin”, tha Bucci.
Fabrizio Bucci do të zëvendësojë Alberto Cutillon si i përzgjedhur nga qeveria italiane për të marrë detyrën si ambasador në Shqipëri.
